काठमाडौं । सिन्धुपाल्चोक उद्योग बाणिज्य संघका पूर्व अध्यक्ष कमलकुमार श्रेष्ठ नेपाल उद्योग वाणिज्य महासंघको कार्यकारिणी सदस्यमा मनोनित भएका छन् ।
उनीसहित राजकुमार न्यौपाने र सरस्वती राईलाई मनोनित गरिएको हो । श्रेष्ठ महासंघका पूर्व केन्द्रीय कार्यकारिणी सदस्यसमेत हुन् ।
न्यौपाने महासंघका पूर्व केन्द्रीय कार्यकारिणी सदस्य तथा मकवानपुर उद्योग वाणिज्य संघका पूर्व अध्यक्ष तथा राई नेपाल हर्ब्स एण्ड हर्बल उत्पादक संघका अध्यक्ष एवं महासंघको महिला उद्यमी विकास समितिका उपसभापति छन् ।
तिनै नै जनालाई महासंघका अध्यक्ष चन्द्रप्रसाद ढकालले महासंघको विधानको दफा २९ को उपदफा २९।२ को खण्ड (च) १० अनुसार कार्यकारणी समितिमा मनोनयन गरेका छन् । अध्यक्ष ढकालले मनोनित तीनै जना सदस्यहरुबाट महासंघको गतिविधीलाई प्रभावकारी बनाउन सहयोग प्राप्त हुने विश्वास गरेको महासंघद्वारा जारी विज्ञप्तिमा उल्लेख छ ।
