काठमाडौं । डलर देखाएर ठगी गरेको आरोपमा प्रहरीले एक व्यक्तिलाई पक्राउ गरेको छ । काठमाडौं उपत्यका अपराध अनुसन्धान कार्यालय टेकुले नक्कली डलर देखाएर ठगी गरेको आरोपमा सिन्धुपाल्चोक बाह्रबिसे नपा ३ का धनबहादुर तामाङलाई पक्राउ गरेको हो ।

उनले काठमाडौंको गोकर्णेश्वर, जोरपाटी लगायतका विभिन्न ठाँउमा नक्कली डलर देखाएर ठगी गरेको प्रहरीको भनाइ छ । ठगी गर्ने गरेको भन्ने गोप्य सूचनाको आधारमा अपराध अनुसन्धान कार्यालयबाट खटिएको टोलीले उनलाई पक्राउ गरेको हो । उनी हाल जिल्ला काठमाडौंको गोकर्णेश्वर नपा ५ जोरपाटी बस्दै आएका छन् । तामाङलाई प्रहरीले काठमाडौंको बूढानीलकण्ठ नपा–११ कपनबाट पक्राउ गरेको हो ।

पक्राउ परेका तामाङले डलर देखाई ठगी गरेको कसुरमा अन्य प्रहरी कार्यालयबाट समेत चारवटा मुद्दामा पक्राउ परेको अभिलेखबाट देखिन आएको प्रहरीले जनाएको छ ।