चौतारा । चौथो तोप – २१ प्रथम चौतारा साँगाचोकगढी नगर कप खुला राष्ट्रिय क्लब स्तरीय भलिबल प्रतियोगिता २०८१ को उपाधि नेपाल पुलिस क्लबले जितेको छ । आज भएको फाइनल खेल गण्डकी प्रदेश भलिबल संघलाई सोझो सेटमा पराजित गर्दै नेपाल पुलिस क्लब च्याम्पियन बनेको हो ।

चाैतारा मिनी रंगशालामा आज भएको खेलमा पुलिसले गण्डकीलाई ३-० ले हराएको हो । सेमिफाइनलमा गण्डकीले काेशीलाई र पुलिसले एपीएफलाई हराउँदै उपाधि भिडन्त गरेका थिए ।
च्याम्पियन पुलिसले ३ लाख नगद हात पार्याे । उपविजेता गण्डकीले १ लाख पचास हजारमै चित्त बुझायो । एपीएफलाई साेझाे सेटमा हराउँदै तेस्राे बनेकाे काेशीले नगद ७५ हजार पायाे ।
नेपाल भलिवलसंघ,जिल्ला भलिबल संघ सिन्धुपाल्चोक तथा जिल्ला खेलकुद विकास समिति सिन्धुपाल्चोकको प्राविधिक सहयोग तथा समन्वयमा प्रतियोगिता भएको हो ।