चौतारा । १ लाख ५५ हजार ५ सय ५५ पुरस्कार राशीको चौथो संस्करण मालिकादेवी कप खुल्ला सेभेन ए साइड फुटबल प्रतियोगिताको सेमिफाइनल समीकरण पूरा भएको छ । शुक्रबार सेमिफाइनल खेल हुने भएको छ ।
पहिलो सेमिफाइनलमा राई एफसी र सुनकोशी बी दिउँसो २ बजे खेल्ने छन् भने दोस्रो सेमिफाइनलमा स्पोर्टिङ र धार्पाबीच ३ः३० बजे खेल हुनेछ ।
बिहीबार भएको पहिलो क्वाटरफाइनलमा सुकुटे युवा चारण समाजलाई १–० गोलले पराजित गर्दै राई एफसी सेमिफाइनलमा प्रवेश गरेको थियो । यस्तै एफसीलाई पेनाल्टी सुटआउटमा हराउँदै सुनकोशी बी , पोखरे युवा समाजलाई ५–० गोलले हराउँदै चौतारा स्पोर्टिङ क्लब र रोयल फेमेलिलाई २–० ले पराजित गर्दै धार्पा एफसी सेमिफाइनलमा प्रवेश गरेको हो ।
प्रतियोगिताको फाइनल खेल शनिबार हुनेछ । प्रतियोगिताको विजेताले १ लाख ५५ हजार ५ सय ५५ तथा उपविजेताले ७७ हजार ७ सय ७७ रुपैयाँसहित ट्रफी, मेडल र प्रमाण पत्र पाउने छन् ।
