सिन्धुपाल्चोक । सिन्धुपाल्चोकको सदरमुकाम चौतारामा अवस्थित जुगल बोर्डिङ हाइस्कुलले विद्यार्थीका लागि शुद्ध जारको पानीको व्यवस्था गरेको छ । आईतबार बोर्डिङमा अक्वा जुगल चाैताराले उत्पादन गरेको जारको पानी ल्याईएसँगै अब विद्यार्थीले शुद्ध जारको पानी पिउन पाउने भएका हुन् ।
बोर्डिङका प्रधानाध्यापक ओमप्रकाश उप्रेतीसहितको टिमले अक्वा जुगल कम्पनीको उत्पादन क्षेत्रमै गई अवलोकन गरेको थियो । अवलाेकनपश्चात उचित ठानेर विद्यार्थीका लागि याे पानीकाे व्यबस्था गरिएकाे विद्यालयले जनाएको छ ।
बढ्दो वायु प्रदुषण र हावाहुरीको असरलाई मध्यनजर गरि विद्यालयमा जारको पानी व्यवस्था गरेको प्रधानाध्यापक ओमप्रकाश उप्रेतीले जानकारी दिए । विद्यार्थीकोे स्वास्थ्यमाथि ख्याल गर्दै यस्तो निर्णय लिई कार्यान्वयन गरिएको उनले बताए ।
अक्वा जुगलका सञ्चालक कुलबिर सिं खड्कासँग सुलभ मूल्यमा खानेपानी उपलब्ध गर्ने गराउने सहमतिसमेत भएको छ ।
बोर्डिङमा हाल ५ सय ५० भन्दा माथि विद्यार्थीहरु र ३ दर्जन शिक्षक शिक्षिकाहरु अध्ययन – अध्यापन गर्दै आइरहेका छन् । आईतबार नै विद्यार्थीहरु जारको पानी फिल्टर सहितको उपकरणमा बोटल थापेर पानी पिउन सुरु गरिसकेका छन् ।
विद्यालयमा शुद्ध पानी उपलब्ध भए पछि शिक्षक र विद्यार्थीहरुबाट खुसी थपिएको छ ।
अक्वा जुगलले चौतारा साँगाचोकगढी नगरपालिका ५ मा उत्पादन गरि चौतारा र आसपासका बजारहरुमा वितरण गर्दै आइरहेको छ ।
