काठमाडौं । विभिन्न लागूऔषधसहित प्रहरीले सिन्धुपाल्चोकका एक युवालाई पक्राउ गरेको छ ।

प्रहरीकाअनुसार पक्राउ पर्नेमा सिन्ध्ुपाल्चोक इन्द्रावती गाउँपालिका १ घर भएका २५ वर्षीय मिङ्मा बम्जन रेबा छन् । उनको साथबाट नियन्त्रित लागूऔषध फेनारगन ५२ एम्पुल, नोर्फिन ५२ एम्पुल, डाईजेपाम ३४ एम्पुल र नगद ११ हजार रूपैयाँ फेला परेको थियो । उनी
गोकर्णेश्वर नगरपालिका(५ नयाँबस्तीमा बसोबास गर्ने गरेको प्रहरीले जनाएको छ ।

शुक्रबार साँझ प्रहरीले पक्राउ गरेको थियो । प्रहरी बिट नयाँबस्तीबाट खटिएको प्रहरीले उनलाई उक्त लागूऔषध सहित पक्राउ गरेको हो ।