चौतारा । सिन्धुपाल्चोकको चौतारास्थित मिनी रंगशालामा शुक्रबारदेखि सुरू भएको खुला पुरूष राष्ट्रिय भलिबल प्रतियोगितामा गण्डकी प्रदेश विजयी भएको छ । सिन्धु जुगल होराइजन क्लबलाई ३-० सेटमा जित हराउँदै गण्डकी विजयी भएको हो ।
जुगलको यो दाेस्राे हार हो । यसअघि सिन्धु जगल एपीएफसंग ३-० कै सेटमा पराजित भएको थियो । हारसँगै सिन्धु सेमिफाइनल यात्राबाट टाढिँदै छ ।
चौथो तोप – २१ तथा प्रथम चौतारा साँगाचोकगढि नगरकप खुला राष्ट्रिय क्लब प्रतियोगितामा त्रिभुवन आर्मीले पनि दाेस्राे हार व्यहाेरेसँगै सेमिफाइनल यात्राबाट टाढिएको छ ।
उद्घाटन खेलमा चिरपरिचित प्रतिद्वन्दी त्रिभुवन आर्मी क्लबलाई ३-१ को सेटमा हराउँदै प्रतियोगितामा पुलिसले जित सुरु गरेको हो ।
चैत १५ बाट सिन्धुपाल्चोकको चौतारामा तीन लाख पुरस्कार राशीको प्रतियोगिता ६ दिनसम्म चल्नेछ । सात टिम सहभागी भएको खेलको उद्घाटन सिन्धुपाल्चोक प्रतिनिधिसभा १ का सांसद माधव सापकोटाले गरेका थिए ।
प्रतियोगिताको आयोजना तोप–११ चौतारा गरेको हो । यो प्रथम चौतारा साँगाचोकगढी नगर कप राष्ट्रिय खुल्ला क्लब स्तरीय भलिवल प्रतियोगिता हो । प्रथम हुने टोलीले नगद तीन लाख रुपैयाँ सहित ट्रफि र मेडल पुरस्कार पाउनेछ । दोस्राे हुनेले एक लाख पचास हजार तथा तेस्रो हुने टोलीले ७५ हजार रुपैयाँ पाउनेछ ।
उत्कृष्ठ खेलाडीलाई २० हजार,उत्कृष्ठ स्पाइकरले १० हजार,उत्कृष्ठ सटरले १० हजार,उत्कृष्ठ ब्लकरलाई १० हजार तथा उत्कृष्ठ लिब्रोले १० हजार पाउने आयोजकले जनाएको छ । नेपाल भलिवलसंघ,जिल्ला भलिबल संघ सिन्धुपाल्चोक तथा जिल्ला खेलकुद विकास समिति सिन्धुपाल्चोकको प्राविधिक सहयोग तथा समन्वयमा प्रतियोगिता हुन सुरू भएको हो ।
