सिन्धुपाल्चोक । फागुन २१ मा भएको प्रतिनिधिसभा सदस्य निर्वाचनको मत परिणाम आइसकेको छ । सिन्धुपाल्चोकका दुवै क्षेत्रको प्रत्यक्ष र समानुपातिक परिणाम सार्वजनिक भइसकेको हो ।
सिन्धुपाल्चोक क्षेत्र नं। २ मा नेपाली कम्युनिष्ट पार्टीका युवराज दुलाल विजयी बने । उनले नेपाली कांग्रेसका वंशलाल तामाङलाई हराउँदै विजयी बनेका हुन् ।
निर्वाचित दुलालले २१ हजार ६ सय ९९ मत ल्याउँदा वंशलालले १९ हजार एक सय ४६ मत ल्याएका थिए ।
त्यस्तै तेस्रो स्थानमा खुम्चिएका नेकपा एमालेका शेरबहादुर तामाङले १७ हजार नौ सय २६ मत ल्याउँदा रास्वपाका झलककुमार श्रेष्ठले १४ हजार १९ मत प्राप्त गरे ।
यी प्रमुख चार दलका उम्मेदवारले मात्रै यो क्षेत्रमा जमानत जोगाउन सके । यहाँ १८ उम्मेदवार चुनावी स्पर्धामा थिए । बाँकी १४ उम्मेदवारले जमानत जोगाउनसमेत सकेनन् ।
सिन्धुपाल्चोक क्षेत्र नं. २ मा एक लाख ३८ हजार १३ मतदाता छन् । तीमध्ये फागुन २१ मा भएको निर्वाचनमा ७२ हजार नौ सय १२ मत खसेको थियो । चार हजार एक सय २२ मत बदर हुँदा ६८ हजार सात सय ९० मत सदर भएको थियो ।
सदर मतको १० प्रतिशत मत प्राप्त गर्न नसक्ने उम्मेदवारको जमानत जफत हुने प्रावधानअनुसार यस क्षेत्रमा कम्तीमा ६ हजार ८ सय ७९ मत प्राप्त गर्नुपर्ने थियो । तर अधिकांश उम्मेदवारले उक्त सीमा पार गर्न नसक्दा उनीहरुको जमानत जफत भएको हो ।
यसअघि यो क्षेत्रमा पटक पटक जित हासिल गरेको राप्रपालेसमेत जमानत जोगाउन सकेन ।
यी हुन् जमानत जोगाउन नसकेका उम्मेदवारहरु
गोपी कृष्ण चौलागाई(३५ )
राष्ट्रिय प्रजातन्त्र पार्टी
१,६८१
राम सिं तामाङ(३८ )
उज्यालो नेपाल पार्टी
१,२३८
कर्णविर स्यांवु लामा(३९ )
मंगोल नेशनल अर्गनाइजेसन
१५९
भानु श्रेष्ठ(३६ )
श्रम संस्कृति पार्टी
१२९
सोमान लामा(४२ )
नेपाल कम्युनिस्ट पार्टी (माओवादी)
१२१
मिङमर तामाङ(५२ )
राष्ट्रिय मुक्ति पार्टी नेपाल(एकल चुनाव चिन्ह)
९९
सेर वहादुर तामाङ(५६ )
नागरिक सर्वोच्चता पार्टी नेपाल(एकल चुनाव चिन्ह)
४७
दावा छिरिङ शेर्पा(४९ )
संघीय लोकतान्त्रिक राष्ट्रिय मञ्च
२९
विजु श्रेष्ठ(४० )
स्वतन्त्र
२५
दिपक ढकाल(३९ )
स्वतन्त्र
२४
म्हेन्दो तामाङ(२९ )
नेपाल मजदुर किसान पार्टी
१७
गणेश बहादुर श्रेष्ठ(६० )
आम जनता पार्टी(एकल चुनाव चिन्ह)
११
सुन्दर अधिकारी(३५ )
स्वतन्त्र
११
महेश कुँवर(४० )
मितेरी पार्टी नेपाल
४
