काठमाडौं । सन् २०१८को डिसेम्बरबाट विश्वभर फैलिएको कोरोना भारस अहिले फेरि सक्रिय भएको छ । छिमेकी मुलुक भारतमा २ दिन भित्रमा २१ जना कोरोना संक्रमितको मृत्यु भएसँगै नेपालमा समेत यसको जोखिम बढेको पाइएको हो।
पछिल्लो दुई सातादेखि भारतका विभिन्न सहरमा कोरोना संक्रमित बढेका हुन् । भारतसँग खुला सिनामा भएक कारण नेपालमा यो रोग भित्रिने खतरा बढेको हो । भारतमा संक्रमितका साथै मृत्युदरसमेत बढ्दै जाँदा पनि सीमा नाकामा नेपालतर्फबाट उच्च सर्तकता नअपनाइएक कारण नेपाल कोरोनाको खतरा जोनमा पर्नसक्ने सीमा गाउँवासीहरुले बताउँदै आएका छन् ।
भारतमा सबैभन्दा बढी महाराष्ट्र र केरलामा ७–७ जनाको ज्यान गएको भारतीय सञ्चारमाध्यमले जनाएका छन् ।
साथै, कोरोनाका सक्रिय केसहरूको संख्या हवात्तै बढेर ३७८३ पुगेको छ भने सबैभन्दै बढी संक्रमितहरूको संख्या केरलामा रहेको छ, जहाँ १४०० संक्रमित मामिलाहरू उल्लेख गरिएको छ ।
स्वास्थ्य विभागको वेबसाइटका अनुसार २२ मे मा देशमा २५७ केसहरू मात्रै थिए तर यो बिचका ९ दिनमा १४ गुणाले कोरोनाका केसहरू बढेका हुन्।
गत मे ३१ मा बेङ्गलुरुमा ६३ वर्षीय प्रौढको कोरोना कारण मृत्यु भएका थियो । तर, उनले दुवै खोपसँगै बुस्टर डोज पनि लगाएका थिए तर पनि उनको ज्यान गुमाउनु परेको थियो ।
भारत सरकारले मानिसहरूलाई भीडभाड हुने ठाउँमा मास्क लगाउन, शारीरिक दूरी कायम गर्न र सरसफाइमा विशेष ध्यान दिन आग्रह गरेको छ।
ज्वरो, खोकी, छाती दुख्ने वा सास फेर्न गाह्रो भएमा तुरुन्तै नजिकको अस्पतालमा गएर परीक्षण गराउन भनिएको छ ।
