अग्नि सापकोटाविरूद्धको मुद्दाको फैसला असार १२ गते सुनाइने

अग्नि सापकोटाविरूद्धको मुद्दाको फैसला असार १२ गते सुनाइने

फरक पत्रिका

बुधबार, जेष्ठ २३ २०८१

अग्नि सापकोटाविरूद्धको मुद्दाको फैसला असार १२ गते सुनाइने

काठमाडौँ । नेकपा माओवादी केन्द्रका उपाध्यक्ष अग्नि सापकोटाविरूद्धको मुद्दामा असार १२ गते फैसला सुनाउने भएको छ । सर्वाेच्च अदालतले काभ्रेका अर्जुन लामाको हत्यासम्बन्धी दायर उनको मुद्दामा असार १२ मा फैसला सुनाउने भएको हो ।
सिन्धुपाल्चोक कुविण्डेका सापकोटा पूर्व सभामुख हुन् । सो मुद्दामा सर्वोच्चले बुधवार सुनुवाइ सकेर फैसला सुनाउने पेशी तोकेको हो ।
प्रधानन्यायाधीश विश्वम्भरप्रसाद श्रेष्ठ, प्रकाशमान सिंह राउत, सपना प्रधान मल्ल,  प्रकाश कुमार ढुंगाना र कुमार रेग्मीको पूर्ण इजलासमा सुनुवाइ सकिएसँगै फैसला सुनाउने मिति तोकिएको हो ।
२०६९ मंसिरमा अर्जुन लामाकी श्रीमती पूर्णिमाया लामाले आफ्नो पतिको हत्यामा सापकोटा सूर्यमान दोङसहितका माओवादी कार्यकर्ताहरू यादव पौडेल, भोला अर्याल, कर्णाखर गौतम, नोर्बु मोक्तानमाथि छानबिन गर्न आदेशको माग गर्दै रिट दायर गरेकी थिइन्।

प्रतिक्रिया
सम्बन्धित समाचार

© 2026 All right reserved to Simali Media Pvt. Ltd.  |सर्वाधिकार सिमली मिडिया प्रा.लि.मा निहित