सिन्धुपाल्चोक । राष्ट्रिय स्वतन्त्र पार्टी सिन्धुपाल्चोकको सभापतिमा माया गुरुङ निर्वाचित भएकी छन् । सिन्धुपाल्चोकको चौतारास्थित आहालडाँडामा आज भएको प्रथम अधिवेशन अन्तर्गतको निर्वाचनमा गुरुङ १४९ मतसहित सभापति पदमा विजयी भएकी हुन् ।
गुरुङका निकटतम प्रतिद्वन्द्वी कमला खड्काले ६१ मत प्राप्त गरिन् । त्यस्तै सभापति पदकै उम्मेदवार कुमार श्रेष्ठले २०, पासाङ तामाङले १३ र दिलराम श्रेष्ठले २ मत प्राप्त गरेको निर्वाचन समितिले जनाएको छ ।
त्यस्तै जिल्ला उपसभापतिमा सरोजा श्रेष्ठले १२३ मत प्राप्त गरि विजयी भइनु । उपसभापतिका उम्मेदवार मुके शेर्पाले ४७ र निमा याङ्छेन लामाले ६५ मत प्राप्त गरे ।
सचिव पदमा राजीव हमाल निर्विरोध भए ।
सहसचिवमा बिदुर खड्का बिजयी भए । सदस्यहरुमा गोकर्णबिक्रम सिलवाल, पास तेम्बा शेर्पा, नन्दलाल श्रेष्ठ नमराज भट्टराई, प्रदिप सिलवाल विजयी भएका छन् ।
क्षेत्र न १ को सभापतिमा उत्तम ठकुरी, उपसभापति सिताराम शर्मा, फुर्तेम्बा शेर्पा, क्षेत्र २ को सभापतिमा प्रल्हाद आर्याल, उपसभापतिमा नकुल आचार्य विजयी भए।