सिन्धुपाल्चोक । फाुगन २१मा हुने प्रतिनिधिसभा सदस्य निर्वाचनका उम्मेदवार माधव सापकोटाले अन्नबालीलाई जंगली जनावरबाट बचाउने नीतिको व्यवस्था गर्ने बताएका छन् । जंगली जनावरले किसानलाई दुःख दिएको भन्दै यस्तो नीति व्यवस्था गर्नका लागि आफूलाई मत दिन उनले आग्रह गरेका हुन् ।
चुनावी प्रचारका क्रममा घरदैलो अभियानमा रहेका सापकोटा सिन्धुपाल्चोक क्षेत्र नं. १ बाट नेपाली कम्युनिष्ट पार्टीका उम्मेदवार हुन् । घरदैलोका क्रममा किसानले जंगली जनावरले दिएको समस्या सुनाएपछि उनले यसको समाधानको नीति आफूले व्यवस्था गर्न लागिपर्ने बताएका हुन् । सामाजिक सञ्जालमा उनले बाँदर, बँदेल, दुम्बीलगायतका जंगली जनावरबाट किसानका अन्नबाली जोगाउने नीति व्यवस्था गर्न मत दिनुपर्ने भन्दै आव्हान गरेका छन् ।