चौतारा । सम्पूर्ण मगर विद्यार्थीहरू एक होऔं शैछिक जागरण फैलाऔं भन्ने मूल नाराका साथ नेपाल मगर विद्यार्थी संघ जिल्ला समिति सिन्धुपाल्चोककाे आठौ जिल्ला अधिवेशन चौतारामा सम्पन्न भएको छ ।
उक्त कार्यक्रम नेपाल मगर विद्यार्थी संघ केन्द्रिय समितिका अध्यक्ष चित्र वहादुर पुलामी मगरकाे प्रमुख आतिथ्यतामा तथा केन्द्रिय सदस्य याम बहादुर रोका मगरकाे विशेष आतिथ्यतामा सम्पन्न भएको हो । नेपाल मगर विद्यार्थी संघ जिल्ला समितिकाे आठौ जिल्ला अधिवेशनमा अध्यक्ष निराजन थापा मगर उपाध्यक्ष सुस्मिता रखाल मगर सचिव करुणा रखाल मगर सह सचिव मनिका राना मगर कोषाध्यक्ष नवीन थापा मगर लगायत १३ सदस्यीय कार्य समिति सर्वसम्मत रूपमा चयन भएका छन् ।
त्यसै गरी मखमली आले मगरकाे अध्यक्षतामा १५ सदस्यीय नेपाल मगर शिक्षक संघ जिल्ला समन्वय समिति सिन्धुपाल्चोक गठन भएको छ । जसमा महिला उपाध्यक्ष सरिता थापा मगर उपाध्यक्ष पूर्ण आले मगर सचिव राजेन्द्र राना मगर कोषाध्यक्ष निराजन थापा मगर महिला सह सचिव रुपा राना मगर सह सचिव कमल थापा मगर सह कोषाध्यक्ष दीपा थापा मगर चयन गरिएको छ । उक्त कार्यक्रम नेपाल मगर विद्यार्थी संघ जिल्ला समिति सिन्धुपाल्चोककाे अध्यक्ष राजेन्द्र राना मगरकाे सभाध्यक्षतामा सम्पन्न भएको हो ।
