चौतारा । संघीय सरकारले आगामी आर्थिक वर्ष २०८१/०८२ मा सिन्धुपाल्चोक जिल्लाका १२ पालिकालाई ४ अर्ब ६० करोड २६ लाख अनुदान दिने भएको छ । उनीहरुले समानीकरण अनुदान, सशर्त अनुदान,विशेष अनुदान र समपुरक शीर्षकमा यो रकम पाउने भएका हुन् ।
१२ पालिका मध्ये सबैभन्दा धेरै अनुदान चौतारा सागाचोकगढी नगरपालिकाले पाएको छ । उसले ६७ करोड ७९ लाख पाएको छ । त्यसपछि दोस्रोमा धेरै अनुदान मेलम्ची नगरपालिकाले ६२ करोड ४९ लाख पाएको छ ।
इन्द्रावती गाउँपालिकाले ४१ करोड ५१ लाख पाएको छ भने बाह्रबिसे नगरपाालिकाले ३८ करोड ७६ लाख प्राप्त गरेको छ । यसैगरी सुनकोशी गाउँपालिकाले ३५ करोड ५३ लाख पाएको छ ।
आगामी आर्थकि वर्षका लागि पाँचपोखरी थाङ्पालले ३३ करोड ८८ लाख अनुदान पाएको छ । बलेफीले ३२ करोड ९६ लाख पाउँदा जुगल गाउँपालकिाले ३१ करोड ४९ लाख पाएको हो ।
हेलम्बुले ३० करोड ८३ लाख पाएको छ । यसैगरी भोटेकोशीले २८ करोड ८१ लाख, लिसंखुपाखरले २८ करोड ६१ लाख पाएको छ । यसैगरी सबैभन्दा कम त्रिपुरासुन्दरीले २७ करोड ६६ लाख पाएको छ ।
संघीय सरकारले स्थानीय तहहरुलाई समानीकरण, सशर्त, विशेष र समपुरक शीर्षकमा अनुदान दिँदै आएको छ ।
