काठमाडौं । वाग्मती प्रदेश बक्सिङ संघको दोश्रो साधारणसभा तथा अधिबेशनले नयाँ कार्यसमिति चयन गरेको छ । रामचन्द्र थापामगरको अध्यक्षतामा ९ सदस्यीय नयाँ कार्यसमिति चयन गरिएको हो ।
नयाँ समितिको उपाध्यक्षमा अनिलप्रसाद दाहाल रहेका छन् । सचिवमा रामकृष्ण सपराजुली चयन हुँदा कोषाध्यक्षमा नयनबहादुर भण्डारी चयन भए । भण्डारी सिन्धुपाल्चोकलाई प्रतिनिधित्व गर्दै कोषाध्यक्षमा सर्वसहमत भएका हुन् ।
त्यस्तै सदस्यहरुमा अनुषा थापामगर, संगीता राना, कृष्णबहादुर ुमाल, हरि खतिवडा र अमित मानन्धर रहेका छन् ।
वाग्मती प्रदेशका पूर्व मन्त्री माननीय दिपेन्द्र श्रेष्ठको प्रमुख आतिथ्य, प्रदेश खेलकुद बिकास परिषद वाग्मती प्रदेशका बोर्ड सदस्य कल्पना खड्काको बिशिष्ट आतिथ्य र नेपाल बक्सिङ महासंघका पदाधिकारी सरोकारवाला बक्सिङ खेलका प्रशिक्षक निर्णायक जिल्ला बक्सिङ संघका पदाधिकारी प्रतिनिधि पर्यबेक्षक र पत्रकारका उपस्थितिका बीच काठमाडौं जडिबुटीमा अधिवेशन गरिएको थियो ।