काठमाडौं । नेपाली कांग्रेसकी नेतृ नानु बास्तोलाले काँग्रेस र एमालेबीच भएको ७ बुुँदे सहमति र संविधान संशोधनको विषयलाई समिति बनाएर छलफल गर्नुपर्ने बताएकी छन् । कांग्रेसको केन्द्रिय कार्यसमितिको बैठकमा बोल्दै नेता बास्तोलाले यस्तो बताएकी हुन् ।
बैठकमा बोल्दै नेता बास्तोलाले जनताको जनजिवीकाको विषयमा पार्टीले काम गर्नुपर्ने बताइन् । भातृ संस्थाको अधिवेशन निर्देशक समितिले दिएको समयभित्र गर्नुपर्ने तर समिति बनाउनुुपर्ने उनको भनाइ थियो ।
योग्यता र क्षमताको आधारमा पार्टीमा मुल्याङन हुनुपर्ने उनले माग राखिन् । ‘बजेट समानुुपातिक र आवश्यकताको आधारमा वितरण हुुनुपर्छ,’ उनले भनिन् । नयाँ पुुस्ता र युवाका लागि नयाँ कार्यक्रम ल्याएर देशमै स्वरोजगार बन्ने सुुनिश्चित गनुपर्नेमा उनले जोड दिइन् ।
विदेशिएका नेपालीलाई नेपालमै फर्काएर काम गर्ने वातावरण तयार गर्नु अहिले आवश्यकता भएको बताउँदै बास्तोलाले यसमा संसदको भुमिका रचनात्मक हुनुपर्ने बताइन् । ८ वर्षभित्रमा योजना बनाएर स्पष्ट खाका जनतालाई दिएर कार्यान्वयन गर्नुपर्ने उनले पार्टीलाई सुुझाव दिइन् ।
