नेपालमा आज थप १ जना कोरोना संक्रमितको मृत्यु ।

काठमाडौँ – कोरोना भाइरस संक्रमणका कारण नेपालमा थप एक जनाको ज्यान गएको छ। ललितपुरको स्टार अस्पतालमा उपचाररत् एक जना कोरोना संक्रमितको ज्यान गएको हो।

ज्यान गुमाउनेमा रौतहटका २९ वर्षीय पुरुष रहेका छन्। उनको गएराति अस्पतालमा उपचारको क्रममा ज्यान गएको हो। उपचारका लागि भ्याण्डिलेटरमा राखिएको केहीवेरमै उनको मृत्यु भएको बताइएको छ। उनी दमका रोगी समेत थिए।

थप एक व्यक्तिको कोरोनाका कारण ज्यान गएसँगै नेपालमा कोरोना संक्रमणका कारण ज्यान गुमाउनेको संख्या २९ पुगेको छ।

Leave a Reply

Your email address will not be published. Required fields are marked *